Հարգելի Varduhi, բարև Ձեզ: Ինչպես նշված է հոդվածում արեոլայի շրջանում աղվամազերը կարելի է հեռացնել, եթե դրանք կոշտ են և երկար, հարկավոր է դիմել բժշկի, դա հորմոնալ խանգարման նշան է:  Ոսկով կարելի է հեռացնել արեոլայի հատվածի աղվամազերը: Սակայն կան որոշ հակացուցումներ, օրինակ վնասված մաշկը, հերպեսը, գորտնուկները:

Հարգելի  Lusine, բարև Ձեզ: Կրծքալի վրա նշված թվերը տարբեր երկների ստանդարտներով են, առաջինը ամերիկյան (40), երկրորդը եվրոպական (90), իսկ D-ն մեկ կրծքի չափն է: Ձեր նշած չափը համապատասխանում է 4-րդին: 

Հարգելի LILIT, բարև Ձեզ: Հղիության ընթացքում նկատվում է արեոլայի, այսինքն պտուկների հատվածի  հիպերպիգմենտացիա, դա ֆիզիոլոգիական է, անհանգստանալու կարիք չկա:

Հարգելի Arevik, բարև Ձեզ: Կրծքագեղձերի հատվածում հակացուցված է ցանկացած տեսակի ճառագայթային մազահեռացման մեթոդ: Առավել անվտանգ է ասեղային էպիլյացիան,  եթե մազերը եզակի են, ուղղակի կարող եք ունելիով հանել:

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը պատճառված անհարմարության համար:

Հարգելի Mariam, բարև Ձեզ: Տնային պայմաններում կրծքերի մեծացման համար կարելի է օգտագործել չհագեցած ճարպաթթուներ պարունակող մթերքներ, օրինակ` կտավատի սերմ, քունջութ, զեյթունի ձեթ, ավոկադո, յուղոտ ձուկ: Շատ օգակար է նաև կաթնամթերքի, թռչնամսի, ինչպես նաև հատիկավորների օգտագործումը: Կարող եք կատարել նաև հետևյալ վարժությունը. ձեռքերը արմնկային հոդում ծալված վիճակում, աղոթող մարդու նման ափերը հպած 5-10ր պահեք կրծքավանդակի մոտ: Վարժությունը կարող եք կատարել օրական մի քանի անգամ: Օգտակար է նաև կրծքի մերսումը:

Հարգելի Lilia, բարև Ձեզ: Հարկավոր է նախ համապատասխան վարժությունների միջոցով ամրացնել որովայինի առաջային պատի  Որից հետո հիմնականում  մաշկը հավելյալ ձգելու կարիք չի լինում: Եթե այնուամենայնիվ լինի, դա հնարավոր կլինի միայն պլաստիկ վիրահատության միջոցով:

Հարգելի YANA, բարև Ձեզ: Մի փոքր դժվար է միայն հետքերով որոշոլ ինչ խնդիր է Ձեզ մոտ: Ձեր նկարագրածը նման է թրոմբոցիտոպենիկ պուրպուրա կոչվող հիվանդության կլինիկական նշաններին :Սակայն ախտորոշումը հաստատ չէ: Խորհուրդ է տրվում դիմել արյունաբանի կոնսուլտացիայի:

Հարգելի Anna, հղիության ընթացքում օրգանիզմում տեղի ունեցող հորմոնալ փոփոխությունները հաճախ արտահայտվում են մաշկի վրա, հատկապես պզուկների տեսքով: Կրծքի հատվածի մաշկը շատ նուրբ է, և տվյալ հատվածում առաջացած ցանկացած խնդիր կարող է անցնել կրծքագեղձ, որը բնական է` ցանկալի չէ: Եթե նկատում եք, որ դրանք երկար ժամանակ չեն անցնում կամ բորբոքվում են, դիմեք բժշկի: Իսկ տանը կարող եք սրբել որևէ հակասեպտիկ նյութով, օրինակ ֆուռացիլինով և օգտագործել տալկ:

Հարգելի Ani, հղիության ընթացքում օրգանիզմում տեղի են ունենում մի շարք փոփոխություններ,  որոնք անդրադառնում են բոլոր օրգանների աշխատանքի վրա, այդ թվում նաև մաշկի: Ծննդաբերությունից հետո,երբ օրգանիզմը վերադառնա է իր բնականոն վիճակին  խնդիրը ինքնուրույն կկարգավորվի :Պետք չէ անհանգստանալ: 

Հարգելի Ovsan, հղիությունից հետո մնացած այդ գծերը կոչվում են «ստրիաներ», որոնք մաշկի ձգման արդյունք են են և որի պարագայում էլատիկությունը չի բավարարում: Դա տեղի է ունենում ինչպես արգանդի մեծանալու արդյունքում որովայնի շրջանում մաշկի առաջնային և կողմնային պատերին, այնպես է կրծքերի վրա, երբ կաթնագեղձերում կաթի կուտակման հաշվին մեծանում են կրծքերը:
Նման բան տեղի է ունենում նաև մաշկի այլ հատվածներում, օրինակ, բազկային, ազդրերի կամ հետույքայինշրջաններում, երբ մաշկը գիրանալու արդյունքում է ձգվում: Դրանք ժամանակի ընթացքում գունատվում են, սակայն շատ նուրբ սպիների նման կարող են պահպանվել: Կարող եք դիմել մաշկաբան-կոսմետոլոգի, նա Ձեզ կօնի ազատվել դրանցից: Դեղատներում հատուկ քսուկներ են վաճառվում, որոնց օգտագործելու պայմաններում կանխարգելում են նման գծերի առաջացումը: 
Крем Mama comfort
Крем Avent от растяжек
Крем Vichy от растяжек
Крем от растяжек Sanosan
Крем от растяжек Рок և այլն:

Հարգելի Lilka, կրծքի շրջանում մուգ մազերի առաջանալը մտահոգիչ է, հավանաբար առկա է որևէ հորմոնալ շեղում: Կարևոր է ճշտել մազեր ի հայտ գալն ուղեկցվու՞մ է այլ ախտանիշներով, թե՝ ոչ, օրինակ `դաշտանային ֆունկցիայի խանգարում: Խորհուրդ չի տրվում առայժմ հեռացնել անցանկալի մազերը: Անհրաժեշտ է գինեկոլոգ-էնդոկրինոլոգի կունսուլտացիա:

Հարգելի  EMMKA, նման  խնդիր շատերի մոտ է հանդիպում: Ձեր դեպքում խորհուրդ տալը դժվար է: Ուղղակի փորձեք չմտածել խնդրի մասին: Շատ հաճախ  հենց նյարդային լարվածությունը և հղիանալու շատ մեծ ցանկությունը ոչ թե օգնում, այլ խանգարում են: Ի վերջո, կան բազմաթիվ միջոցներ` հղիանալու համար, ինչպես օրինակ` արհեստական բեղմնավորումը:

Հարգելի Janna, եթե հետազոտվել եք և կրծքագեղձի հետ կապված ամեն ինչ նորմալ է, ապա հնարավոր է, որ ցավերը կապված չէն գեղձի հետ: Ցավը կարող է լինել մկանային լարվածությունից, միջկողային նյարդերի բորբոքումից, կարող է լինել նաև սրտի հետ կապված: Ցանկալի է համալիր հետազոտություն՝ պատճառը պարզելու համար: Նաև պետք է հետազոտել տվյալ տեղամասի ավշային հանգույցները:

Հարգելի  Lalita, բեղմնավորման համար առավել հավանական օրերը ձվազատման օրերն են, որոնք մեծամասնության մոտ համընկնում են դաշտանային ցիկլի 12-17 օրերի հետ: Եթե դաշտանը սկսվել է դեկտեմբերի 2-ին, ապա ձվազատումը ամենայն հավանականությամբ կլինի  դեկտեմբերի 13-18 ընկած ժամանակահատվածում: Ինչ վերաբերում է բորբոքմանը, ապա, եթե չկա ոչ մի կլինիկական ախտանիշ, հավանաբար բորբոքում էլ չկա: Համոզվելու համար ցանկալի է գինոկոլոգի կոնսուլտացիա: